ج ـــتني رســالة من صـــدى خــافق الرووح ~>

ورحمة الله وبركاته ,

اخوتي الكرام , احببت ان انــقــل لكم ابياتاً راقت لي فلعـلها تروق لكم ..

جتني رسالة من صدى خافق الروح
وقريتها بإحساس قلبي وروحي
قريتها وانهدّت قصور وصروح
وأنا من أول عالياتن صروحي
تشكي تقول القلب يا اخوي مجروح
ماتدري اني غايراتن جروحي
تهلّ دمع وترفع الصوت بالنوح
واللي فقد غاليه لازم ينوحي
ما كلّمتني يمكن الصوت مبحوح
من النوح وإلا ما استطاعت تبوحي
جتني رسالتها بها دموع وجروح
وانهَد باسباب الرسالة طموحي
تقول ياخوي الزمن صار مفضوح
والشيب فيني لو تشوفه يلوحي
يا بو علي مالي بالأغراب مصلوح
مادام قلب اللي نحبه شحوحي
ودّي بشوفك دام الأعمار بفسوح
قبل الرحم يا خوي منا يروحي
زلّ الزمان اللي به أفراح ومزوح
أنخاك تكفى لا تظنّه مزوحي
وبعد الرسالة صار بالقلب ذابوح
طار المنام وصار فكري يشوحي
أختي رسالتها لها القلب مفتوح
كلّي لها والقلب ينصت ويوحي
أقولها ودموع عيني لها فوح
وسط المحاجر دمع عيني يفوحي
أجاوب الورقا على عالي الدّوح
وأنوح من فرقا الرفيق السموحي
والله لو إني وسط الأطباق مذبوح
لأظهر كما خطو الحصان الجموحي
وأقول يا عين المها ما بها شروح
لو تطلبين الروح تفداك روحي

[/poem]

القصيدة للشاعر : حمود الشمري ,
ألقاها في شريط دواووين ,
و أداها المنشد : أبويزيد ,

للأستماع

حفظ الهدف بأســم .. Save target As

http://media.islamway.com/several/324/02_Dwaween.mp3